Jaamacadda SIMAD ayaa ku guuleysatay Tartanka IHL Soomaaliya ee sanadka 2026 iyada oo hubisay booska ay ku matali doonto Soomaaliya Tartanka IHL ee All-Africa ee lagu qaban doono Nairobi, Kenya, bishan [geli bisha]. Waxay kamadanbeysta aadka loogu tartamay kaga guuleysteen [Geli jaamacadda kaalinta labaad].
Jaamacadda Muqdisho waxay muujiyeen bandhig xooggan intii uu tartanku socday, iyaga oo kamadanbeysta kaga soo gudbay todobo jaamacadood oo qoraalladooda soo gudbiyay. Kamadanbeysta tooska ah ayaa waxaa ku jiray booqasho xabsi matalaad ah iyo fadhi maxkamadeed la jilayo oo ku saleysan sharciga caalamiga ah ee bini’aadamnimada (IHL).
Hafsa Jelle ayaa qaadatay abaalmarinta shakhsiga ah iyada lagu aqoonsanayo xirfadaheeda u doodista iyo bandhigga aftahannimada leh ee guddiga sadexda garsoore ka kooban laga hor jeediyay.
“Dareenka ay labada kooxood soo bandhigeen ayaa muujinaya xiisaha sii kordhaya oo ay da’yartu IHL-ka u hayaan,” ayuu yiri Antoine Grand, Madaxa ICRC-da Soomaaliya. “Hambalyo Jaamacadda SIMAD innaga oo taageeri doona kamadanbeysta tartanka All-Africa oo la qaban doono dhammaadka sanadkan.”
Tartanka IHL ee Soomaaliya ayaa noqonaya madal sharciga lagu barto iyo meel looga doodo sharciga caalamiga ah ee bini’aadamnimada. Todobo jaamacadood ayaa soo gudbiyay qoraalladooda nuqulka 2026: Jaamacadda SIMAD, Jaamacadda Muqdisho, Jaamacadda Hargeysa, Jaamacadda Puntland (PSU), Jaamacadda Benaadir, Jaamacadda Ummadda (SNU) iyo Jaamacadda Nugaal. Tartanku wuxuu ardeyda Soomaaliyeed ee sharciga barata ee ku guuleysata siinayaa fursad ay kula xiriiri karaan ardeyda kale ee dhiggooda ah qaaradda oo dhan.